Ақтөбеде "Гүлдер әлемі" гүлдер фестивалі өтті
Жарияланған күні:
Ақтөбеде соңғы жылдары дәстүрлі түрде өтетін "Гүлдер әлемі" гүлдер фестивалі өтті.
Оған қала кәсіпорындары, жеке кәсіпкерлер, оқу орындарының, балабақшалар мен мектептен тыс ұйымдардың ұжымдары, сондай-ақ әуесқой гүл өсірушілер қатысты.
Жалпы саны 95 ұжым өз жұмыстарын ұсынып, 8 аталым бойынша бағаланды.
Абай саябағында өткен шараға гүлдерден жасалған бұйымдарды тамашалауға келген тұрғындарды қала әкімі Азамат Бекет құттықтады.
"Бұл фестивальді болашақта кең көлемде өткізіп, Ақтөбенің, өзіндік айшықты шараларының біріне айналдыруымыз керек.
"Гүлдер әлеміне" қызығушылық, танытушылар көбейіп келеді. Бұл әрі балаларды табиғатты аялауға тәрбиелейді. Барлық, қатысушыларға алғыс білдіремін", - деді Азамат Бекет.
Мақаланың түпнұсқасы: https://kaz.nur.kz/society/2167467-aqtobede-gulder-alemi-gulder-festivali-otti/
