Синоптиктер қазанның алғашқы күндері елімізде ауа райы қандай болатынын айтты

Синоптиктер қазанның алғашқы күндері, яғни 1-3-і аралығында Қазақстанда қандай ауа райы күтілетінін айтты. Кей өңірлерде жауын-шашын болады, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің мәліметінше, қазан айының алғашқы күндері Қазақстанда ауа райы құбылмалы болады.

Солтүстік-батыс антициклоны республиканың батысы мен солтүстік-батысында құрғақ және шуақты ауа-райын қамтамасыз етеді.

Елдің қалған бөлігінде атмосфералық фронттардың өтуімен жауын-шашын болады; оңтүстік-шығыстың таулы аймақтарында қатты жауын-шашын (жаңбыр, қар) болып, жел күшейіп, түнде және таңертең тұман түседі деп болжанды.

Температураның күрт өзгеруі күтілмейді.

Еске салсақ, еліміздің мегаполистерінде бүгін ауа райы қандай болатынын жазған едік.

Мәтіннен қате тапсаңыз, бізге жазыңыз