Түркістан облысында 40 жылдан астам гүл өсірумен айналысып келе жатқан отбасы тұрады (видео)

Түркістан облысы Дербісек ауылында тұратын Умаровтар отбасы раушан, хризантема және қалампыр өсірумен 40 жылдан астам айналысып келеді. Бұл туралы KAZ.NUR.KZ 24.kz телеарнасының сайтына сілтеме жасап хабарлайды.

Отбасының отағасы Акрамбек Умаров флорист, есепші және сатушы болып үш жұмысты да атқарады. Оның осы іске деген махаббаты әкесінен дарыған.

"1978 жылы мен алғаш рет гүл өсіре бастадым, әкем де өсімдік шаруашылығымен айналысты. Содан бері мен мектепті бітіріп, университетке түстім. Бірақ мен бұл істі тастамадым, әлі де жалғастырып жатырмын. Біз заманауи тенденцияларды бақылап отырамыз", - деді Акрамбек.

Омаровтар отбасында гүл өсіру туралы білім құнды отбасылық дәстүр ретінде ұрпақтан-ұрпаққа беріледі. Бүгінгі таңда осымен үшінші буын гүл бизнесін жалғастыру жауапкершілігін өз мойнына алып отыр. Акрамбектің ұлы Давронбек Абдуганиев балаларының да флористикаға қызығатынын мақтан тұтады.

"Біздің де ұл-қыздарымыз өсіп келе жатыр. Үйреніп жатыр. Келешекте осы саланы алып кетеміз десе қарсы емеспіз. Ертең Құдай қаласа гүлдеріміз ашылған кезде ақ, сары, қызыл болып, сол кезде рахатын көреміз", - деді Давронбек.

Сарыағаш аудандық ауыл шаруашылығы бөлімінің басшысы Әлайдар Әмірхановтың айтуынша, Дербісек ауылының кез келген жерінен гүл кездестіруге болады.

"Гүл өсіру бойынша Дербісек елді мекенінде алпыстан астам шаруа қожалығы айналысып жатыр. Одан бөлек Жібек жолында арнайы 2 гектар жерде Голландиядан келген раушан гүлінің көшеттері былтыр отырғызылды. Биыл өнімдерін алды", - деді Әмірханов.

Мәтіннен қате тапсаңыз, бізге жазыңыз