Ақтауда жоғалған 15 жастағы қыз табылды

Ақтауда 16 қазан күні үйінен белгісіз себептермен шығып кеткен 15 жастағы жасөспірім аман-есен табылды. Бұл туралы полиция басқармасы хабарлайды.

"Ақтау қаласы полиция басқармасы криманалдық полиция қызметкерлері жасөспірімді ата-анасының арызы негізінде іздеу жұмыстарын жүргізіп, нәтижесінде жоғалған қыз 22 қазан күні Жаңаөзен қаласынан табылды", - делінген хабарламада.

Еске салсақ, бұған дейін Ақтауда жасөспірімнің таңертең колледжге кетіп, қайтып оралмағанын хабарлаған едік. Іздестіру жұмыстарын полицейлер мен "LIDER.KZ" еріктілер тобы жүргізді.

Айта кетейік, Астанада туыстары 2020 жылдан бері іздестірген 48 жастағы азамат табылды.

Төрт жыл бойы туыстары оның оралуынан үміт үзбеген 48 жастағы ер адамның оқиғасы ерекше назар аударуға тұрарлық. Полицияның үйлесімді әрекеттерінің арқасында ер адам табылып, отбасымен қайта қауышты.