Шымкентте кезекші мамандандырылған ХҚКО-ның жұмыс кестесі өзгерді

22 қазаннан бастап Шымкенттегі кезекші мамандандырылған ХҚКО-ның жұмыс уақыты сағат 20:00-ге дейін ұзарды. Бұл туралы KAZ.NUR.KZ қалалық ХҚКО-ның баспасөз қызметіне сілтеме жасап хабарлайды.

Енді қаладағы тек кезекші мамандандырылған халыққа қызмет көрсету орталығы дүйсенбіден жұмаға дейін 09.00-ден 20.00-ге дейін, ал сенбі күндері 09.00-ден 13.00-ге дейін қызмет көрсетеді.

Ал кезекші болып есептелмейтін мамандандырылған халыққа қызмет көрсету орталықтары әдеттегі жұмыс кестесімен, яғни 09.00-ден 18.00-ге дейін жұмыс істейді. Аталған өзгерістер азаматтарға мемлекеттік қызмет көрсетуді қолжетімді етуге бағытталған.

Мамандандырылған халыққа қызмет көрсету орталығы көлік құралдарын тіркеу және есепке алу қызметін 18.00-ге дейін көрсетсе, дайын құжаттарды беру бойынша жұмыс 20.00-ге дейін жүзеге асырылады.

Айта кетейік, Шымкенттегі кезекші мамандандырылған ХҚКО Достық м.а, 2343/1 мекенжайында орналасқан.

Мәтіннен қате тапсаңыз, бізге жазыңыз