Талдықорғанда өрт сөндіру бөлімшесінің командирін зейнетке ерекше шығарып салды (видео)

Жетісу облысында маңызды оқиға өтті. Талдықорған қаласы №2 өрт сөндіру бөлімінің бөлімше командирі Мұрат Жекебаев зейнетке шықты, деп хабарлайды ТЖМ баспасөз қызметіне сілтеме жасаған KAZ.NUR.KZ.

Ведомствоның Telegram-дағы ресми арнасындағы ақпаратқа сәйкес, Мұрат Жекебаев 25 жыл өмірін отпен күресуге арнады.

"Қызметі барысында ол қиын жағдайларда жедел шешімдерді қабылдап, әріптестерінің құрметіне ие болды. Салтанатты іс-шара дәстүрлі су шашу рәсімімен аяқталды", - делінген ТЖМ хабарламасында.

Министрлік өкілдері Жекебаевтың өңір қауіпсіздігіне қосқан үлесі әрқашан есте қалатынын жеткізді.

"Болашақ құтқарушыларға үлгі тұтар азамат. Жаңадан зейнетке шыққан Мұрат Нұрсұлтанұлына бақытты өмір тілейміз", - деді ведомство қызметкерлері.

Мәтіннен қате тапсаңыз, бізге жазыңыз