Алматының орталық көшелерінің бірінде жол жүру бір күнге жабылады

29 қазанда оңтүстік астанада су құбырындағы жөндеу жұмыстарына байланысты Наурызбай батыр көшесінің бір бөлігінде көлікпен жүру мүмкін болмайды. Бұл туралы "Алматы Су" мекемесіне сілтеме жасаған KAZ.NUR.KZ хабарлайды.

Компанияның мәліметінше, 29 қазанда сағат 9:00-ден 16:00-ге дейін Сәтбаев көшесінен Тимирязев көшесіне дейінгі қиылыстағы Наурызбай батыр көшесі бойында автокөлік қозғалысы жабылады.

"Уақыт шектеулері осы көше сегментінің жүріс бөлігінің астына салынған су құбырының авариялық-қалпына келтіру жұмыстарын жүргізумен байланысты. Маршруттарды алдын ала жоспарлауды және жол қозғалысы схемасының уақытша өзгерістерін ескеруді сұраймыз. Қолайсыздықтар үшін кешірім сұраймыз", - делінген хабарламада.

Барлық сұрақ бойынша тұрғындар "Алматы су" МКҚК-ның 274-66-66 диспетчерлік қызмет нөмірлеріне хабарласа алады.

Еске салсақ, Алматыда ауылшаруашылығы жәрмеңкесіне байланысты Уәлиханов көшесінен Достық даңғылына дейінгі учаскедегі Сәтбаев көшесінің бір бөлігі екі тәулікке жабылатынын жазған едік.