Алматыда алдағы демалыс күндері Сәтбаев көшесінің бір бөлігі жабылады

Алматыда жәрмеңкеге байланысты жұма күні кештен жексенбіде кешке дейін Сәтбаев көшесінің бір бөлігі жабылады. Бұл туралы қалалық әкімдікке сілтеме жасаған KAZ.NUR.KZ тілшісі хабарлайды.

Әкімдік Алматыда 2-3 қараша күндері сағат 08:00-ден 17:00-ге дейін кеңейтілген ауыл шаруашылығы жәрмеңкесі өтетінін хабарлады. Оған Шығыс Қазақстан мен Алматы облыстарының тауар өндірушілері мен шаруалары қатысады.

Жәрмеңкеде ет-сүт, жеміс-көкөніс, шұжық өнімдері, ұн, жарма, өсімдік және жануарлар майлар және т.б. ұсынылады.

Жәрмеңке Сәтбаев көшесінің Уәлиханов көшесінен Достық даңғылына дейінгі бөлігінде орналасады, сондықтан бұл бөлік 1 қараша 20:00-ден 3 қараша 20:00-ге дейін жабық болады.

Әкімдік жүргізушілерден маршруттарын алдын ала жоспарлауды сұрайды.

Сонымен қатар, жәрмеңке кезінде №45, №95 және №121 маршруттардың үлгілері өзгереді. Абай даңғылы бойымен жабылған аумаққа айналма жол жүргізіледі.

Айта кетейік, бұған дейін Алматыда тауық жұмыртқасының бағасы бекітілетіні хабарланған болатын. Қаланың айналасындағы сауда орындарында бір дана құны 58 теңгеден аспайтыны атап өтілді.