Жетісу облысында аспанда белгісіз нысан байқалды (видео)

Жаркент тұрғындары аспанда қатты жылдамдықпен қозғалып келе жатқан белгісіз жанып жатқан нысанды видеоға түсіріп алған. Бұл нысанның кадрлары әлеуметтік желілерде тараған.

Видео Telegram-дағы kris_p_almaty арнасында жарияланған.

Куәгерлер түсірген кадрлардан белгілі бір заттың түнгі аспанда ұшып, жанып бара жатқанын көруге болады. Аталмыш нысанды Жаркент тұрғыны түсіріп алған.

Желі қолданушылары әуе кемесінің қалдықтары атмосферада жанып жатыр деген ойға келді.

"Starlink-тен немесе қытайлық құрылғыдан шыққан қоқыстар. 2-3 қарашада кейбір құрылғылар атмосфераға түседі", "Мүмкін бұл ескі NEOWISE ғарыш телескопы шығар", "Халықаралық ғарыш станциясынан бірдеңе түсіріп жатыр немесе бұл ғарыш қоқыстары", - деп жазды қолданушылар.