Түркістан облысында шаштараздың алдынан велосипед ұрлап кеткен ер адам анықталды

Түркістан облысында шаштараздың алдынан велосипед ұрлап кеткен ер адам анықталды. Бұл туралы KAZ.NUR.KZ Түркістан облыстық ПД баспасөз қызметіне сілтеме жасап хабарлайды.

Облыстық ПД мәліметіне сүйенсек, Шардара ауданында жәбірленуші кешкі сағат 20:00 шамасында велосипедін шаштараздың алдына қойып, шашын алдыруға ішке кірген.

Ол іште болған кезде жолдан өтіп бара жатқан ер адам қараусыз қалдырылған STЕLS маркалы велосипедті жымқырып кеткен. Артынша оны үйіне жасырып қойған.

"Тәртіп сақшылары күдіктінің тұрғылықты мекенжайынан айғақты затты алып, заңды иесіне қайтарып берді. Қазіргі таңда ер адамның бұрын жасалған осы секілді қылмыстарға қатысы бар-жоғы тексерілуде", - делінген Түркістан облыстық ПД Instagram-дағы парақшасында.