Ішкі істер министрлігі өкілдері қазақстандықтарға үндеу жасады

Ішкі істер министрлігі өкілдері қазақстандықтарды өрт қауіпсіздігі ережелерін сақтауға шақырды. Бұл туралы Ішкі істер министрлігіне сілтеме жасаған KAZ.NUR.KZ хабарлайды.

Ауа райының суытуы техногендік өрттердің көбеюіне әкелуі мүмкін. Осыған байланысты Ішкі істер министрлігі жоғары қуатты электр құрылғыларын бір уақытта қосу арқылы пештерді қыздырмауға және электр желілерін шамадан тыс жүктемеуге кеңес берді.

Автокөлік иелеріне ашық оттың көмегімен автомобильдерді жылыту қауіпті екенін еске саламыз.

ІІМ еліміздің барлық тұрғындарына үйде оқыс жағдайларды болдырмау үшін өрт қауіпсіздігі ережелерін қатаң сақтауға шақырады:

"Мұржаларды уақтылы тазалап, пештерді жөндеу қажет. Ақауы бар жылыту құрылғылары мен газ жабдықтарын пайдаланбаңыздар. Балаларды ересектердің қарауынсыз жалғыз қалдырмаңыздар. Өрт қауіпсіздігі ережелерін қатаң сақтаңыздар. Барлық оқиғалар туралы 101 немесе 102 телефондарына хабарласуларыңызды сұраймыз", - деді ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранова.

Мәтіннен қате тапсаңыз, бізге жазыңыз