Түркістан облысында полицейлер көлік құралдарын қысқа кезеңге дайындауға шақырды

Түркістан облысы ПД Патрульдік полиция қызметкерлері жүргізушілерге көлік құралдарын қысқы кезеңге дайындау қажеттілігі туралы түсіндіру бойынша іс-шаралар жүргізіп жатыр. Бұл туралы KAZ.NUR.KZ өңірлік ПД баспасөз қызметіне сілтеме жасап хабарлайды.

Облыстық ПД мәліметіне сүйенсек, тәртіп сақшылары рейд кезінде автокөлік жүргізушілерін көліктерін жолға шықпас бұрын тексеріп, оның жай-күйіне және техникалық жарамдылығына байыппен қарауға шақырған.

"Бірінші кезекте жазғы доңғалақтарын қысқы доңғалаққа ауыстыруға кеңес берді. Сондай-ақ көлікке қажетті майларын ауыстырып, жаңа сүзгілерді қойып, тежегіш жастықшаларын, шамдарын, әйнек тазалағыштарын, салқындату жүйесін тексеріп қоюға міндеттеді.

Сонымен қатар жолдарда мүмкіндігінше мұқият болу керек, әсіресе ауа райының қолайсыздығында жылдамдық режимін, маневр жасау ережелері мен қашықтықты сақтау қажет екенін жеткізді", - делінген Түркістан облыстық ПД Instagram-дағы парақшасында.