Шымкент полициясы жыл мезгілінің өзгеруіне байланысты тұрғындарға үндеу жасады (видео)

Шымкентте жыл мезгілінің өзгеруіне байланысты ауа райы кез келген уақытта суытып, жол тайғақ болуы мүмкін. Осыған орай Шымкент қалалық ПД өкілдері тұрғындарға үндеу жасады, деп хабарлайды KAZ.NUR.KZ.

Шымкент қалалық ПД мәліметінше, жол-көлік оқиғасын болдырмау үшін сақтық шараларын білу маңызды.

• Жол жағдайын алдын ала тексеріңіз. Ауа райы болжамын қарап, 112 желісінен келген ескертулерге назар салыңыз;
• Алдын ала көлік құралдарын қысқы мезгілге дайындап, дөңгелектерді ауыстырып, техникалық ақауларын жөндеңіз;
• Ауа райына байланысты жылдамдықты азайтыңыз. Жолдың сипатына қарай баяу жүріңіз;
• Алдыңызда келе жатқан көлікпен арақашықтықты сақтаңыз;
• Қолайсыз жағдайлар туындаған кезде қауіпсіз жерге тоқтап, тынығып алыңыз;
• Жол белгілері мен ережелеріне мұқият назар аударыңыз;
• Көлік жүргізу кезінде ұялы телефонды пайдаланбаңыз және басқа да алаңдатушылық факторлардан аулақ болыңыз;
• Тұманда көліктің алысқа жарық түсіретін шамын қоспаңыз. Тұманға түскен жарық көзге шағылыс әкелуі мүмкін.