Шымкенттегі медицина ұйымдарында тәжікстандық дәрігерлер тәжірибе жинақтады

Шымкент қаласына Тәжікстан Республикасының денсаулық сақтау саласының өкілдері арнайы келді. Шетелден келген қонақтар Дүниежүзілік денсаулық сақтау ұйымы өкілдерімен бірге қаладағы медицина ұйымдары мен мектептердегі егу қабинеттерінің жұмысымен танысып, адам папилломасы вирусына қарсы вакцинацияны енгізу бойынша тәжірибе жинақтады. Бұл туралы Ernur.kz хабарлайды.

"Бірінші кезекте қазақ елінің жылы қабылдағаны, қонақжайлылығы және бүгін алған біліміміз үшін алғыс айтқым келеді. Иммундау күнтізбесінде жаңа вакциналарды қолдану халық арасында көптеген сұрақ туғызады және біз Қазақстанға әріптестеріміздің тәжірибесін қабылдау және осы вакцинацияны елімізде енгізу үшін келдік.

Тәжікстан Республикасы 2025 жылдан бастап адам папилломасы вирусына қарсы вакцина салуды қола алады. Біз қазір дайындық үстіндеміз", - дейді Тәжікстандағы иммунопрофилактика орталығының бас директоры Файзали Барот.

Айта кетейік, тәжікстандық медицина мамандарының қатысуымен өтіп жатқан тәжірибе алмасу жұмыстары Дүниежүзілік денсаулық сақтау ұйымы мен Денсаулық министрлігі, Денсаулық сақтау басқармасы өкілдерінің ұйымдастыруымен өтуде.

Мәтіннен қате тапсаңыз, бізге жазыңыз