Шымкентте жоғалып кеткен сегіз жасар бала табылды (видео)
Жарияланған күні:
Шымкентте жоғалып кеткен сегіз жасар бала табылды. Бұл туралы KAZ.NUR.KZ Шымкент қалалық ПД баспасөз қызметіне сілтеме жасап хабарлайды.
ПД мәліметіне сүйенсек, 8 жасар бала 11 сәуір күні таңғы уақытта мектепке қарай шыққан. Алайда оның мектепке бармағаны анықталып, анасы баласын өздігінше іздеген. Нәтиже шықпаған соң тұрғын полиция қызметкерлерінің көмегіне жүгінген.
"Жоғалған баланы жедел-іздестіру шараларына патрульдік полиция полкінің қызметкерлері: 880 автоэкипаж қызметкерлері полиция аға лейтенанты М. Иманбаев және полиция аға лейтенанты М. Халмұратов кірісті", - делінген Шымкент қалалық ПД Instagram-дағы парақшасында.
Жүргізілген іздеу жұмыстарының нәтижесінде жеткіншек Қаратау ауданы Назарбаев көшесінде адасып жүрген жерінен табылды. Бала аман-есен анасына тапсырылды.
Өз кезегінде баласы табылған келіншек тәртіп сақшыларына ризашылығын білдірді.
Мақаланың түпнұсқасы: https://kaz.nur.kz/society/2186135-shymkentte-zhogalyp-ketken-segiz-zhasar-bala-tabyldy-video/
