"Қызыл кітапқа" енген сирек кездесетін сілеусін Шарын ұлттық саябағында көзге түсті

"Қызыл кітапқа" енген сирек кездесетін Түркістан сілеусіні Алматы облысындағы Шарын ұлттық саябағында көзге түсті. Бұл туралы KAZ.NUR.KZ Орман шаруашылығы және жануарлар дүниесі комитетіне сілтеме жасап хабарлайды.

"Жоспарлы рейдтік іс-шара барысында Шарын мемлекеттік ұлттық табиғи паркі (МҰТП) инспекторлары Қазақстанның Қызыл кітабына енгізілген сирек кездесетін Түркістан сілеусінін кездестірді.

Бұл оқиға аймақтың биоалуантүрлілігі мен экожүйесін сақтауға бағытталған шаралардың тиімділігін растайды", - делінген хабарламада.

Айта кетейік, жаөында ШҚО-да қар барысы камераға жақыннан түсіп қалды.

Қазан айының басында "Көлсай көлдері" ұлттық саябағында қар барысының ұрғашысы және оның бір жасар аланы фототұзаққа түсіп қалған еді.

Кейін Шарын ұлттық табиғи саябағында таутеке мен түлкі камераға түсіп қалғанын жаздық.

Мәтіннен қате тапсаңыз, бізге жазыңыз