Шымкентте жеке тұрғын үйден өрт шықты (фото)

Шымкентте жеке тұрғын үйден өрт шықты. Бұл туралы KAZ.NUR.KZ ТЖМ баспасөз қызметіне сілтеме жасап хабарлайды.

Өрт туралы ақпарат Төтенше жағдай министрлігінің 112KZ Telegram-дағы арнасында жарияланды.

"Таңертең Еңбекші ауданы Ақбастау көшесі бойындағы екі қабатты жеке тұрғын үйдің екінші қабатында өрт шықты. Құтқарушылардың жедел әрекеттерінің арқасында оттың таралуына жол берілмеді.

Өрт толығымен 20 шаршы метр алаңда сөндірілді, зардап шеккендер жоқ", - делінген хабарламада.

Айта кетейік, күні кеше Шымкенттегі аудандардың бірінде от-тактикалық оқу-жаттығулары өтетінін хабарлаған едік.