Алматы маңындағы тауларда қар көшкіні жүруі мүмкін

Алматы облысының тауларында қалың қар жауды. Осыған байланысты синоптиктер туристерге қар көшкіні болуы мүмкін екенін ескертті, деп хабарлайды "Қазгидромет" РМК-ға сілтеме жасаған KAZ.NUR.KZ.

13-15 қарашада Алматының Үлкен және Кіші өзендері бассейндерінде жауын-шашынның көп түсуіне байланысты қар көшкіні жүруі мүмкін. Синоптиктер қар көшкіні болуы қаупіне байланысты тұрғындарды қар басқан беткейлерге шықпауға шақырды.

Алматы облысы ТЖД мәліметінше, кей кезде көшкіннің көлемі жүз мың және тіпті миллиондаған кубометрлерге жетеді. Салмағы ұлғайған сайын қар көшкін қаттырақ жылдам түсіп, адам өміріне қауіп туындауы мүмкін.

Құрғақ көшкін құрғақ қардан тұрады, аязды күні жүреді. Бұл ең жылдам көшкін (жылдамдығы сағатына бірнеше километрге  жетеді), және одан құтылу мүмкін емес.  

Тоқтағанда қар тез қатады да, нәтижесінде қардың жоғарғы қабаты тығыздалып, қатаяды.

Көшкін кезінде қосымша әсер ететін келесі факторлар:

• ашық, шуақты күн,
• температураның күрт өзгеруі,
• қатты жел немесе жаңбыр, тіпті қатты дауыстар.
• ең қауіпті күндізгі сағаттар, жылудан қар еріп, төмендейді.

Мәтіннен қате тапсаңыз, бізге жазыңыз