Шымкентте полицейлер жоғалған бауырларды тауып, отбасына қайтарды (видео)
Опубликовано:
Шымкентте полицейлер жоғалған бауырларды тауып, отбасына қайтарды. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.
ПД Instagram-дағы мәліметіне сүйенсек, 3 және 5 жастағы ұл балалардың жоғалғаны туралы хабарлама полицияға кешкі сағат 18:00 шамасында түскен. Анасының айтуынша, балалар аулада ойнап жүрген.
Қаратау АПБ қызметкерлері бірден іздестіру іс-шараларына кіріскен. Ағайындылардың жүрген жерін анықтау үшін полицейлер көршілерден сұрастырып, мекенжайға жақын маңдарды аралап шықты. Қабылданған шаралардың нәтижесінде балалар бір сағат ішінде көрші аулада табылды.
Бүлдіршіндер анасына аман-есен қайтарылған. Қала тұрғыны өз кезегінде офицерлерге жедел жұмысы үшін шын жүректен алғысын білдірді.
Осы ретте полиция балалардың қауіпсіздігі ересектердің басты міндеті екенін еске салды және қайғылы оқиғаларды болдырмау үшін оларды қараусыз қалдырмауды сұрады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2187305-shymkentte-politseiler-zhogalgan-bauyrlardy-tauyp-otbasyna-qaitardy-video/