Шетелдік қандастарға 19 білім гранты табысталды
Жарияланған күні:
Қорқыт ата атындағы Қызылорда университетінде 17 қараша – Халықаралық студенттер күні қарсаңында шетелдік қандастарға 19 білім гранты табысталды. Бұл туралы университеттің баспасөз қызметіне сілтеме жасаған KAZ.NUR.KZ хабарлайды.
Бүгінде оқу ордасында Қытай, Моңғолия, Өзбекстан және Ресейден келген шетелдік студенттер білім алуда.
"Қорқыт Ата университетінде төрт жыл тегін білім алуға мүмкіндік алғаныма шын жүректен қуаныштымын. Шетелде жүрген қандастар үшін бұл тарихи отанына келіп, ана тілінде білім алу үлкен арман әрі мәртебе", -деді Қытай Халық Республикасынан келген қандасымыз Ардақ Сандуғаш.
Оқу ордасында жыл сайын білім алушылар саны артып келеді. Қазір университетте жалпы контингент саны 10 512 білім алушыны құрайды. Оның ішінде 4 905 студент мемлекеттік білім гранты бойынша оқиды. Биыл еліміздің өзге өңірлерінен 151 мектеп түлегі 1-курсқа қабылданды.
Айта кетейік, мереке қарсаңында университетте студенттік халық аспаптар оркестрінің тұсаукесер концерті өтті. Кеш университеттің мәдени өміріне жаңа серпін беріп, тыңдармандарды ерекше әсерге бөледі
Мақаланың түпнұсқасы: https://kaz.nur.kz/society/2188433-sheteldik-qandastarga-19-bilim-granty-tabystaldy/
