Шарын ұлттық саябағында сирек кездесетін жабайы аңдар фототұзаққа түсіп қалған (видео)

Шарын мемлекеттік ұлттық табиғи паркінің аумағында жабайы аңдар камераға түсіп қалды. Бұл туралы Орман шаруашылығы және жануарлар дүниесі комитетіне сілтеме жасаған KAZ.NUR.KZ хабарлайды.

"Сартоғай Шарын" мемлекеттік табиғи қорығының аумағында орнатылған фототұзаққа жануарлар тіркеді. Анықталған түрлердің ішінде жабайы доңыз (Sus scrofa) және елік (Capreolus capreolus) ерекше назар аудартады", - делінген комитет таратқан Telegram арнадағы хабарламада.

Бұл нәтижелер өңірдің биологиялық әртүрлілігінің жоғары екенін дәлелдеп, жануарлардың мекен ету ортасын зерттеуге мүмкіндік береді.

Алынған мәліметтер жабайы жануарлар мен олардың мекендеу ортасын қорғау шараларын жетілдіруге көмектеседі.

Еске салсақ, бұған дейін Шарын ұлттық табиғи саябағында таутеке мен түлкі камераға түсіп қалғанын хабарлаған едік.

Шарын мемлекеттік ұлттық табиғи паркінің аумағында сүтқоректілердің биоалуантүрлілігін зерттеу мақсатында фототұзақ құрылғылары орнатылды.