Биыл Шымкентте 16 көпқабатты үйде 28 лифт ауыстырылмақ

Биыл Шымкент қаласы бойынша 16 көпқабатты тұрғын үйде 29 жедел саты қондырғысын ауыстыру жоспарланып отыр. Қазіргі таңда 12 көпқабатты тұрғын үйде 22 лифт қондырғысын ауыстыру жұмыстары жүргізілуде. Жыл соңына дейін қосымша 4 көпқабатты тұрғын үйге 6 жедел сатыны ауыстыру жұмыстары жүргізіледі, деп хабарлайды Шымкент қаласының әкімдігі.

Әкімдіктің Telegram-дағы арнасының мәліметінше, Нұрсат шағын ауданындағы № 128, 132, 135В, 135Б, 135А тұрғын үйлердің пәтер иелері жедел саты қондырғыларын ауыстырылуы қажет екені туралы өтініш білдірген болатын. Осыған орай көпқабатты тұрғын үйлердің пәтер иелерімен жалпы жиналыс өткізіліп, заңнама талаптары толық түсіндіру жұмыстары жүргізіліп, хаттама берілген.

Айта кетейік Тұрғын үй заңнамасына сәйкес нысанның ортақ мүлкіне күрделі жөндеу жүргізу (жаңғырту, реконструкциялау, реставрациялау, лифт туралы шешім пәтерлер, тұрғын емес үй-жайлардың меншік иелерінің жалпы санының жартысынан астамы қатысатын жиналыста қабылданады. Шешім пәтерлер, тұрғын емес үй-жайлар меншік иелерінің жалпы санының көпшілігі келіскен жағдайда мақұлданады.

Мәтіннен қате тапсаңыз, бізге жазыңыз