Шымкентте филиппиндік студенттер әмиянын таксиде қалдырып кеткен

Шымкентте турполицейлер филиппиндік студенттерге көмектесті. Бұл туралы KAZ.NUR.KZ қалалық ПД баспасөз қызметіне сілтеме жасап хабарлайды.

ПД Instagram-дағы мәліметіне сүйенсек, Дженидас пен Джесси ішінде құжаттар, банк карталары және ақша болған әмиянын такси көлігінде кездейсоқ қалдырған.

Осылайша шетелдіктер қаладағы Арбат аумағында кезекшілікте жүрген туристік полиция инспекторынан көмек сұраған. Аға лейтенант Айнұр Көлбаева мән-жайды толығымен біліп, бірден такси жүргізушісін анықтауға бағытталған қажетті шараларды қабылдады. Нәтижесінде әмиян заңды иесіне қайтарылды.

Өз кезегінде филиппиндіктер жедел көмек көрсеткені үшін полиция қызметкерлеріне шын жүректен алғыс білдірді.