Астанада қала шетіне қатынайтын бірнеше автобус бағыты уақытша тоқтады
Жарияланған күні:
Ауа райының күрт бұзылуына байланысты Астанада қаланың шеткі аудандарына қатынайтын 315, 316 және 327 автобус бағыттары уақытша тоқтады. Қалған бағыттарға автобус қатынай береді. Бұл туралы әкімдікке сілтеме жасаған KAZ.NUR.KZ хабарлайды.
City Transportation Systems Instagram-аккаунтында жарияланған мәліметке қарағанда, 21 қарашада қала шетіне қатынайтын үш автобус бағыты тоқтады. 315, 316, 327 автобустарының қатынамай қалуына ауа райының күрт бұзылуы себеп болды. Қалған бағыттардағы қозғалыс үзілмейді.
315 автобус Астанадан Ақбұлаққа, 316 автобус - Жалтыркөлге, ал 327 автобус Арнасайға қатынайды.
Айта кетейік, елімізде ауа райының нашарлауына байланысты Ақмола, Павлодар, Қарағанды, Ұлытау облыстарында көлік қозғалысына шектеу қойылды. Уақытша жабылған жолдарды 2024 жылғы 22 қараша сағат 07:00-де ашу жоспарланып отыр.
Мақаланың түпнұсқасы: https://kaz.nur.kz/society/2190834-astanada-qala-shetine-qatynaityn-birneshe-avtobus-bagyty-uaqytsha-toqtady/
