Уақыттың өзгеруіне қатысты дау: азаматтарға eGov mobile арқылы сауалнамадан өту ұсынылды

21 қарашада eGov mobile қосымшасында сауалнама пайда болды. Онда қазақстандықтардан уақыттың өзгеруіне қатысты бірнеше сұраққа жауап беру сұралады, деп хабарлайды KAZ.NUR.KZ.

Сауалнамаға қатысу үшін қолданбадағы "Хабарламалар" қосымша бетін таңдау керек, содан кейін "Сауалнамалар мен жауаптар" бөліміне өту керек.

Барлығы 5 сұрақ бар. Алғашқы үш сұрақта күннің қай бөлігі ең өнімді деп саналатынын, тұрғындардың қалада ертерек ашылатын кафелер немесе фитнес орталықтары идеясына қалай қарайтыны, күні бойы тағы не қажет екені сұралады.

Соңғы екі сұрақ жауаптарымен мынадай:

• Белгіленген уақытпен не істеу керек деп ойлайсыз?

1. Ештеңені өзгертпей, сол күйінде қалдыру;
2. Уақытты маусымға сәйкес өзгерту (жаз/қыс);
3. Ескі уақытқа оралу;
4. Басқа жауап.

• Сіз үшін қай уақыт белдеуі оңтайлы?

1. UTC+5 (қазіргі Астана уақыты);
2. UTC+6;
3. Маған бәрібір;
4. Маған жауап беру қиын.

Қазақстанда биыл 1 наурызда бірыңғай уақыт белдеуіне көшіп, еліміздің бірнеше өңірінде уақыт бір сағатқа артқа жылжыды.

Атап айтқанда, Астана, Алматы, Шымкент қалаларында, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан, Абай, Жетісу, Ұлытау облыстарында жергілікті уақыт бір сағатқа артқа қойылды.

Мәтіннен қате тапсаңыз, бізге жазыңыз