Шымкентте өткен жылы байланыс жылдамдығы төмен 147 нүкте анықталған

Шымкентте ұялы байланыс сапасын жақсарту бойынша ауқымды жұмыстар жүргізіліп жатыр. Бұл туралы KAZ.NUR.KZ Өңірлік коммуникация қызметіне сілтеме жасап хабарлайды.

ӨКҚ Instagram-дағы мәліметіне сүйенсек, Шымкент қаласында ұялы байланыс сапасын арттыру мақсатында 2023 жылы Өңіраралық байланыс инспекциясымен бірлесіп, байланыс жылдамдығы төмен 147 нүкте анықталған. Нәтижесінде 33 нүктеде базалық станциялар орнатылды.

5G технологиясын енгізу аясында Kcell 133, "Кар-Тел" 282 базалық станцияны қайта жаңартты. 2024 жылы анықталған 43 осал нүктенің шешімі үшін операторлар базалық станцияларды шеринг әдісімен бөлісуді және жаңа құрылғылар орнатуды жоспарлауда. Бұл шаралар қала тұрғындарына сапалы әрі жылдам байланыс ұсынуды мақсат етеді.

Ұялы байланыс сапасын жақсарту жобалары Шымкент қаласы тұрғындарына жоғары жылдамдықты және сапалы мобильді байланыс ұсынуға бағытталған. Бұл жұмыстар қала инфрақұрылымын цифрландыруға және байланыстың қолжетімділігін арттыруға ықпал етеді.