Қыстың алғашқы күнінде еліміздің бірнеше өңірінде ескерту жарияланды

Синоптиктер 1 желтоқсанға арналаған ауа райы болжамын ұсынып, еліміздің бірнеше өңірінде дауылдық ескерту жариялады. Бұл туралы "Қазгидромет" РМК ресми сайтында хабарлады.

1 желтоқсанда күндіз Алматы облысының таулы аудандарында кей уақытта қатты жауын-шашын (жаңбыр, қар) күтіледі. Облыстың оңтүстігінде, таулы аудандарында кей уақытта тұман, жолдарда көктайғақ. Жел батыс бағыттан солтүстік-шығыс бағытқа ауысады, облыстың шығысында екпіні 15-20 м/с.

Алматы қаласында 1 желтоқсанда кей уақытта тұман, жолдарда көктайғақ күтіледі.

1 желтоқсан түнде және таңертең Батыс Қазақстан облысының солтүстігінде, шығысында тұман күтіледі.

1 желтоқсанда Қызылорда облысының солтүстігінде, орталығында тұман, түнде облыстың солтүстігінде көктайғақ күтіледі.

1 желтоқсанда Жетісу облысының орталығында, таулы аудандарында кей уақыттарда тұман күтіледі.

1 желтоқсанда Шығыс Қазақстан облысының батысында, солтүстігінде, шығысында көктайғақ күтіледі. Түнде және таңертең облыстың солтүстігінде, шығысында тұман күтіледі.

1 желтоқсанда Абай облысының солтүстігінде, шығысында, оңтүстігінде көктайғақ күтіледі. Түнде және таңертең облыстың солтүстігінде, оңтүстігінде тұман күтіледі. Жел оңтүстіктен, оңтүстік-батыстан соғады, таңертең және күндіз облыстың оңтүстігінде, орталығында 15-20 м/с.

1 желтоқсанда Маңғыстау облысының солтүстігінде көктайғақ күтіледі. Облыстың батысында, солтүстігінде тұман күтіледі.

1 желтоқсанда түнде және таңертең Түркістан облысының таулы және тау бөктерлі аудандарында қатты жауын-шашын (жаңбыр, қар) күтіледі. Кей уақыттарда тұман. Оңтүстік-батыстан жел соғады, облыстың солтүстігінде, батысында, орталығында, таулы және тау бөктерлі аудандарында күші 15-20 м/с.

Шымкент қаласында 1 желтоқсанда түнде және таңертең кей уақыттарда қатты жауын-шашын (жаңбыр, қар) күтіледі. Кей уақыттарда тұман. Оңтүстік-батыстан жел соғады, екпіні 15-20 м/с.

1 желтоқсанда Солтүстік Қазақстан облысының батысында, оңтүстігінде тұман күтіледі.

1 желтоқсанда Ақмола облысының батысында, оңтүстігінде тұман күтіледі.

1 желтоқсанда Қостанай облысының батысында, оңтүстігінде тұман күтіледі.

Астана қаласында 1 желтоқсанда түнде және таңертең тұман күтіледі.