Алматыда желтоқсаннан бастап үш жаңа автобус бағыты іске қосылады

2 желтоқсаннан бастап Алматыда жаңа үш автобус бағыты іске қосылады. Бұл туралы "Қалалық көлік холдингі" Telegram-дағы арнасында хабарлады.

№229 жаңа маршруты бағытын "Тоймарт" сауда орталығынан бастап – Бекмаханов көшесі – Первомайская нефтебаза көшесі – Алматы көшесі – Көкқайнар ауылынан бұрылып, кері бағытта қозғалатын болады. Желіде жұмыс күндері және демалыс күндері 3 автобус, 30 минуттық аралықпен.

№243 жаңа маршруты бағытын Баяндай ауылынан бастап – Ташкенсаз ауылы – Амангелді ауылы – Саймасай ауылы – Құлжа тракті – Жетісу базарынан бұрылып, кері бағытта қозғалатын болады. Желіде жұмыс күндері және демалыс күндері 6 автобус, 30 минуттық аралықпен.

№251 жаңа маршруты бағытын "Адем" сауда орталығынан бастап – Солтүстік айналма жолы – Первомайская нефтебаза к. – Алматы к. – Аптечная к. – Жәпек батыр ауылы – Жомарт ауылынан бұрылып, кері бағытта қозғалатын болады. Желіде жұмыс күндері және демалыс күндері 8 автобус, 22 минуттық аралықпен.

Мәтіннен қате тапсаңыз, бізге жазыңыз