Алматыдағы кезекші және мамандандырылған ХҚКО-лар мекенжайы өзгерді

"Азаматтарға арналған үкімет" кезекші және мамандандырылған қызмет көрсету орталықтарының мекенжайы өзгергенін мәлімдеді. Бұл туралы KAZ.NUR.KZ "Азаматтарға арналған үкімет" мемлекеттік корпорациясы баспасөз қызметіне сілтеме жасап хабарлайды.

2 желтоқсаннан бастап кезекші ХҚКО-лар мен мамандандырылған ХҚКО-лар мекенжайы өзгереді.

Атап айтқанда, Алматыдағы мамандандырылған қызмет көрсету орталықтары Саялы шағын ауданында Аққайнар көшесі 1 және Кемел ықшамауданында Ақсуат көшесі 118 мекенжайында оранласады.

"Өз аймағыңыздағы кезекші орталықтар тізімімен жоғарыдағы суреттен таныса аласыз", - деп ескертті "Азаматтарға арналған үкімет" өкілдері.

Еске салайық, кезекші ХҚКО жұмыс күндері 20.00-ге дейін, сенбі күні 13.00-ге дейін жұмыс істейді.

Кезекші мамандандырылған ХҚКО дүйсенбі мен жұма аралығында 18.00-ге дейін азаматтарды қабылдайды, ал дайын құжаттарды 20.00-ге дейін алуға болады.

Сенбі күні мамандандырылған ХҚКО 13.00-ге дейін жұмыс істейді.

Мәтіннен қате тапсаңыз, бізге жазыңыз