Қар, -20 градус: алдағы күндері елімізде ауа райы қандай болады

Синоптиктер 5-7 желтоқсан аралығында елімізде ауа райы қандай болатынын болжады. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Мамандардың болжауынша, алдағы күндері Қазақстанның басым бөлігіндегі ауа райын атмосфералық фронтальды бөлімдер анықтап, күн райы тұрақсыз болады. Атап айтқанда, бұрқасынмен қар, оңтүстік өңірлерде жауын-шашын (жаңбыр, қар) және көктайғақ күтіледі.

Еліміздің батысында антициклонның әсерінен жауын-шашынсыз ауа райы сақталады.

Сондай-ақ ауа температурасының төмендеуі күтіледі:

• түнде еліміздің батысында -7...-12 градусқа дейін,
• солтүстік-батыста -13...-18 градусқа дейін,
• еліміздің солтүстігінде, орталығында -15...-20 градусқа дейін,
• республикамыздың оңтүстігінде, оңтүстік-шығысында -3...-8 градусқа дейн,
• таулы аудандарда -10...-16 градусқа дейн төмендейді.

Мәтіннен қате тапсаңыз, бізге жазыңыз