18 жастағы қазақ қызы Диана ханшайымның құрметіне тағайындалған марапатқа ие болды

Диана Мұрзағалиева есімді қазақ қызы әлеуметтік бастамалары мен қоғамға қосқан ерекше үлесі үшін Диана ханшайым сыйлығына ие болды. Бұл туралы KAZ.NUR.KZ Ұлыбритания елшілігіне сілтеме жасап хабарлайды.

"Бар болғаны 18 жасында Диана Мұрзағалиева әлеуметтік бастамалары мен қоғамға қосқан ерекше үлесі үшін Диана сыйлығына ие болды. Ядролық сынақтардың салдарынан туған жерінде дизартрия диагнозы қойылған Диана көптеген қиындықты еңсерді, оның ішінде буллинг пен бірнеше операцияны бастан кешірді. Бір кездері сөйлей алмаған ол өзінің ойын әңгімелер арқылы жеткізіп, мүгедектігі бар балалардың армандары туралы "Үміт әрдайым жанымызда" атты анимациялық фильмін жасады", - делінген елшілік хабарламасында.

Inclusive Academy негізін қалаушысы және сөйлеу қабілеті бұзылғандарға арналған AI қосымшасы – SpeakUp авторы ретінде Диана инклюзивтілікті ілгерілетіп, кедергілерді жойып келеді.

Бұл беделді марапат Диана ханшайымның құрметіне тағайындалып, оның оң өзгерістер жасауға деген адалдығын көрсетеді.

Мәтіннен қате тапсаңыз, бізге жазыңыз