Алдағы күндері Қазақстанда ауа райы қандай болады

Синоптиктер Қазақстанда алдағы үш күнде, 10-12 желтоқсанда күн жылып, қар түсетінін айтты. Бұл туралы KAZ.NUR.KZ "Қазгдиромет" РМК сілтеме жасай отырып хабарлайды.

Апта басында республиканың көп бөлігін солтүстік циклон басып, жауын-шашын әкеледі. Атап айтқанда, елдің батыс өңірлерінде жаңбыр, қар жауып, көктайғақ болады.

Ал елдің оңтүстік өңірлерінде ауқымды антициклон әсерінен жауын-шашын түспейді.

Бұған қоса, Қазақстанда алдағы күндері ауа райы біршама жылиды деп болжанды. Ауа температурасы түнде:

• елдің батысында 0...-8 градусқа;
• солтүстік-батысы мен солтүстігінде -7...-15 градусқа дейін;
• орталығында -10...-18 градусқа дейін;
• шығысы мен оңтүстік-шығысында -7...-20 градусқа дейін;
• оңтүстік өңірлерінде -5...-13 градусқа дейін суық болады.

Мәтіннен қате тапсаңыз, бізге жазыңыз