Ақтөбеде теміржол өткелі жабылады

Ақтөбеде 12 желтоқсан күні "Ақтөбе-2" вокзалындағы теміржол өткелінде жөндеу жұмыстары жүргізілуіне байланысты өткел уақытша жабылады. Бұл туралы KAZ.NUR.KZ қалалық әкімдікке сілтеме жасап хабарлайды.

Қала әкімдігінің мәліметінше, "ҚТЖ" ҰК" АҚ филиалының Ақтөбе магистралдық желісі бөлімшесі 1790 км пк 4 учаскесіндегі күзетілетін өткелде жөндеу жұмыстарын жүргізеді.

Жұмыстар 09:00-ден 20:00-ге дейін жалғасады, сол уақыт аралығында өткел автокөліктер үшін жабық болады.

Өткелді айналып өту үшін Сельмаш көпірін пайдалану ұсынылады.

"Жүргізушілерден бағытын алдын ала жоспарлап, қозғалыс бағытындағы уақытша өзгерістерді ескерулерін сұраймыз. Түсіністік танытқандарыңыз үшін алғысымызды білдіреміз!" - делінген әкімдік хабарламасында.