Тәулігіне 6 мың жолаушы: Шымкентте теміржол вокзалы күрделі жөндеуден өтті

Шымкентте теміржол вокзалы күрделі жөндеуден өтті. Енді нысан тәулігіне үш есе көп жолаушы қабылдай алады, деп хабарлайды OTYRAR Telegram-дағы арнасында.

Биыл көлік инфрақұрылымын жақсарту аясында Шымкент теміржол вокзалына күрделі жөндеу жүргізілді.

Күрделі жөндеудің мақсаты – жолаушыларға қызмет көрсету сапасын арттыру және нысанды заманауи стандарттарға сәйкестендіру. Жөндеу нәтижесінде станция тәулігіне 2000-нан 6000 жолаушыға дейін қабылдайтын болды, ал ғимараттың жалпы ауданы 1770,2-ден 2250 шаршы метрге дейін кеңейтілді.

Сондай-ақ қасбет, есіктер, терезелер және инженерлік коммуникациялар жаңартылды. Ерекше қажеттіліктері бар адамдарға ыңғайлы болу үшін пандустар, тактильді жолдар және арнайы кассалар да жабдықталған.

Одан бөлек вокзалда заманауи Wi-Fi аймақтары, ақпараттық экрандар және багажды тексеруге арналған рентген аппараттары пайда болды.

Қазіргі уақытта Шымкент теміржол вокзалынан күн сайын түрлі бағыттар бойынша 20 жұп пойыз жөнелтіледі.

Мәтіннен қате тапсаңыз, бізге жазыңыз