27 градусқа дейін аяз, қалың қар, көктайғақ: елімізде демалыс күндері ауа райы қандай болады

Синоптиктер алдағы демалыс күндері ауа райының қандай болатынын айтты. Елімізде күн күрт суытып, қар аралас жауын-шашын күтіледі, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктер болжамынша, Қазақстанның басым бөлігінде ауа райына Солтүстік және Оңтүстік циклондар әсер етеді.

14-15 желтоқсанда жаңбыр мен қар түріндегі жауын-шашын, кейде қатты жауын-шашын болады деп болжанды. 16 желтоқсанда республиканың шығысында және оңтүстік-шығысында қалың қар жауады.

Сонымен қатар республика бойынша көктайғақ, тұман, бұрқасын күтіледі, жел күшейеді.

Ауа температурасы түнде республиканың солтүстік-батысында -10...-18 градусқа дейін, солтүстік пен орталықта -15...-25 градусқа дейін, оңтүстік-шығыста -15...-25 градусқа дейін төмендейді.

Республиканың оңтүстігінде -10...-17 градусқа дейін, таулы аймақтарда -20...-27 градусқа дейін аяз болады.