Елде ауа райының бұзылуына байланысты бірқатар автожолда көлік қозғалысына шектеу қойылды
Жарияланған күні:
15 желтоқсан күні Қазақстанның басым бөлігінде ауа райы күрт өзгерді. Осыған байланысты бірқатар облыста жол қозғалысына шектеу қойылды, деп хабарлайды KAZ.NUR.KZ "ҚазАвтоЖол" ҰҚ баспасөз қызметіне сілтеме жасап.
Ұлттық компанияның Telegram-дағы мәліметіне сүйенсек, ауа райының бұзылуына байланысты келесі республикалық автожолдарда көлік қозғалысына шектеу қойылды және қойылады:
Түркістан облысы:
2024 жылғы 15 желтоқсан сағат 14:00-де Түркістан облысында ауа райының бұзылуына байланысты "Алматы-Ташкент-Термез" автожолының 620-663 шақырымы аралығында (Т. Рысқұлов ауылынан Қарабұлақ ауылына дейін) жүк көліктердің қозғалысына шектеу қойылды.
Жамбыл облысы:
2024 жылғы 15 желтоқсан сағат 17:00-де республикалық маңызы бар “Алматы-Ташкент-Термез” автожолының 534-593 шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына шектеу енгізіледі.
Алматы облысы:
2024 жылғы 15 желтоқсан сағат 17:00-де Алматы облысында ауа райының бұзылуына байланысты “Алма-Тау турбазасына кіреберіс” республикалық автожолының 0-15 шақырым аралығындағы (Тұздыбастау ауылынан Бесқайнар ауылына дейін) учаскесінде жүк және қоғамдық көліктердің қозғалысына шектеу қойылады.
Жолды 2024 жылғы 17 желтоқсан сағат 07:00-де ашу жоспарланған.
Мақаланың түпнұсқасы: https://kaz.nur.kz/society/2200721-elde-aua-raiynyng-buzyluyna-bailanysty-birqatar-avtozholda-kolik-qozgalysyna-shekteu-qoiyldy/
