Алдағы үш күнде еліміздің басым бөлігінде қар жауып, 25 градус аяз болады

Синоптиктер Қазақстан бойынша алдағы үш күнге, 19-21 желтоқсанға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК-ға сілтеме жасап хабарлайды.

19 желтоқсаннан бастап Қазақстанның басым бөлігіне циклон әсер етеді. Нәтижесінде қар, бұрқасын, еліміздің оңтүстігінде, оңтүстік-шығысында жауын-шашын (жаңбыр, қар), көктайғақ, жаяу бұрқасын, екпінді жел күтіледі.

Синоптиктер болжамынша, 19-20 желтоқсанда солтүстік-батыста, солтүстікте, орталықта, 20 желтоқсанда оңтүстік-шығысындағы таулы аймақтарда қатты қар жауады.

21 желтоқсаннан бастап Батыс антициклонының жылжуымен еліміздің батысында ауа райы негізінен жауын-шашынсыз, солтүстікте, оңтүстікте және орталықта ауа температурасының төмендейді деп болжанды.

Республика бойынша тұман түсуі ықтимал.

Түнде еліміздің батысында -3...-13-градустан -5...-18 градусқа дейін, шығысында -10...-26 градустан -7...-20 градусқа дейін аяз болады деп болжанды.

Қалған аумақтарда ауа температурасының түнде солтүстік-батыста, солтүстікте -10...-20 градусқа дейін, орталықта -13..-25 градусқа дейін, республиканың оңтүстігінде, оңтүстік-шығысында -7...-13 градус, таулы аудандарда -15...-18 градусқа дейін төмендейді.