Шымкент саябақ салудан рекорд орнатты

Шымкент саябақ салудан рекорд орнатты. Бұл туралы Otyrar.kz хабарлайды.

Басылым мәліметінше, Шымкентте жыл басынан бері 24 гүлзар халық игілігіне берілді. Бұл рекордтық көрсеткіш дейді жауаптылар. Осылайша мегаполистегі саябақ саны 60-тан асқан. Ал жергілікті халық демалыс орындарының тағы да көбейгенін қалайды

"Жалпы рекордты деп айтсақ болады. 1 жылда 24 үлкенді-кішілі саябақтың құрылысы жүргізілді. 2024 жылы Әл-Фараби ауданына қарасты Сәуле шағынауданында, яғни ең шеткі аудандардың бірінде 2500 гектарды құрайтын саябақтың құрылысын жүргіздік", - деді Шымкент қаласы қалалық жайлы ортаны дамыту басқармасының басшысы Әбілқайыр Оңғар.

Айта кетейік, бүгінде қаладағы демалыс орындарының саны 60-тан асқан. Олардың басым бөлігі кәсіпкерлер есебінен салынған. Тағы 5 саябақтың құрылысы жүріп жатыр. Тиісті жұмыстар келер жылы аяқталып, қолданысқа берілмек.

Мәтіннен қате тапсаңыз, бізге жазыңыз