Алматының қар басқан жолдарында 10 балдық көлік кептелісі пайда болды (фото)

20 желтоқсанда кешке Алматы қаласының көшелерінде 10 балдық көлік кептелісі пайда болды. Кей жерлерде жол апаты тіркелді. Бүгін оңтүстік астанаға қар көп жауды. Бұл туралы KAZ.NUR.KZ хабарлайды.

"Қазгидромет" жұма күні Алматыда қар жауатынын ескерткен. Қалаға бірнеше сағат бұрын шынымен қалың қар түсті. 2ГИС мәліметінше, қазір мегаполисте 10 балдық көлік кептелісі тіркелген. Картада көшелердің барлығы дерлік қызыл түске боялғанын байқауға болады. Қызыл түс көлік кептелісін білдіреді.

Бұған қоса, көшелердегі жол апаттары да қозғалысты одан сайын қиындатып жіберді. Кептелісте тұрған жүргізушілер қозғалыстың жылжымай тұрғанына ашулы.

Айта кетейік, "Қазгидромет" ертең Алматыда көктайғақ болатынын ескертті. Ауа райын болжаушылар мәліметінше, демалыс күндері Қазақстанның көптеген өңірінде қар түсіп, боран, көктайғақ болады.

Қыркүйекте сарапшылар зерттеу жариялап, Алматы қаласы көшелерінде қозғалыс ыңғайлы болуы үмін мегаполис жолдарында көлік саны 170 мыңнан аспауы тиіс екенін айтқан.

Мәтіннен қате тапсаңыз, бізге жазыңыз