"Хейтерлерге қарсы иммунитет": Павлодар облысының әкімі әлеуметтік желідегі белсенділігін түсіндірді

Павлодар облысының әкімі Асайын Байханов өңірдегі барлық шенеуніктердің әлеуметтік желіде жеткілікті белсенділік таныта бермейтінін айтып, мұның ықтимал себептерін атады. Бұл туралы Pavlodarnews.kz басылымына сілтеме жасаған KAZ.NUR.KZ хабарлайды.

"Отбасы және балалар" қоғамдық бірлестігінің жетекшісі Гүлмира Құрманғалиева облыс әкімі Асайын Байхановтың Павлодар тұрғындарымен кездесуінде сауал қойды.

Ол аймақ басшысының әлеуметтік желідегі белсенділігіне тоқталды. Оның айтуынша, тұрғындар кез келген жобалар туралы көбіне облыс әкімінен біліп отырады, бірақ жергілікті билік те мұны істей алар еді.

"Қазақтарда "Бес саусақ бірдей емес" деген ұғым бар, яғни бір отбасының балалары да әртүрлі: бірі белсенді, екіншісі ұялшақ. Бірақ сіз дұрыс байқадыңыз, бәрі ашық бола бермейді. Әлеуметтік желілерде ашық болу оңай емес. Бұл оңай шаруа емес, өйткені хейтерлерге қарсы иммунитет болу керек, олардың саны да аз емес. Дөрекі сын, кейде түсінбеушілік болады. Бұл кейбіреулерде қорқыныш, қиындықтар тудыруы мүмкін. Бірақ біз онымен жұмыс істейміз", - деп түсіндірді аймақ басшысы.

Асайын Байхановтың айтуынша, жыл басынан бері павлодарлықтардан 15 мыңға жуық өтініш түскен. Оның 72 пайызы оң шешімін тапса, қалғандарымен жұмыс жасалып жатыр.