Еліміздің төрт облысында көлік қозғалысына шектеу қойылды

Ұлытау мен Қостанай облыстарында "Жезқазған-Петропавлск", ал Жамбыл мен Түркістан облыстарында "Алматы-Ташкент-Термез" тасжолында ауа райының қолайсыздығына байланысты көліктің барлық түрінің қозғалысына шектеу қойылады. Бұл туралы KAZ.NUR.KZ "ҚазАвтоЖолға" сілтеме жасап хабарлайды.

"2025 жылғы 7 қаңтарда сағат 14:00-дан бастап Ұлытау облысында ауа райының қолайсыздығына байланысты "Жезқазған – Петропавлск" автожолының 137-252 шақырым аралығында (Ұлытау ауылынан Қостанай облысы шекарасына дейін) көліктің барлық түрінің қозғалысына шектеу қою жоспарлануда", - делінген хабарламада.

Дәл осындай шектеу автожолдың келесі бөлігі өтетін Қостанай облысына да қатысты болып отыр.

"2025 жылғы 7 қаңтарда сағат 14:00-дан бастап Қостанай облысында ауа райының қолайсыздығына байланысты "Жезқазған – Петропавлск" автожолының 252-339 шақырым аралығында (Ұлытау облысы шекарасынан Арқалық қаласына дейін) көліктің барлық түрінің қозғалысына шектеу қою жоспарлануда", - делінген хабарламада.

Екі облыста да жолды 2025 жылғы 8 қантар сағат 07:00-де ашу жоспарланып отыр.

Сонымен қатар, соңғы ақпаратқа сүйенсек, Жамбыл обысы мен Түркістан облысында "Алматы-Ташкент-Термез" тас жолы ертеңге дейін жабылды.

"2025 жылғы 7 қаңтарда сағат 17:00-ден бастап Жамбыл облысында ауа райының қолайсыздығына байланысты "Алматы – Ташкент-Термез" автожолының 535-593 шақырым аралығында (Айша-бибі ауылынан Түркістан облысы шекарасына дейін) көліктің барлық түрінің қозғалысына шектеу қою жоспарлануда", - делінген "ҚазАвтоЖол" мәлімдемесінде.

"2025 жылғы 7 қаңтарда сағат 17:00-ден бастап Түркістан облысында ауа райының қолайсыздығына байланысты "Алматы – Ташкент-Термез" автожолының 593-620 шақырым аралығында (Жамбыл облысы шекарасынан Тұрар Рысқұлов ауылына дейін) жүк көлік түрінің қозғалысына шектеу қойылады", - деп хабарлайды ұлттық компания баспасөз қызметі.

Екі облыста да жолды ертең, 8 қантарда сағат 08:00-де ашу жоспарланып отыр.

Мәтіннен қате тапсаңыз, бізге жазыңыз