Баласын вокзалға тастап кеткен: Астанада әйел адам іздестіріліп жатыр
Опубликовано:
Астанада баласын вокзалға тастап кеткен әйел іздестіріліп жатыр. Бұл туралы KAZ.NUR.KZ хабарлайды.
Баласын вокзалға тастап кеткен әйелге іздеу жарияланғаны туралы ақпарат Instagram-дағы _astana_volontery_lider.kz парақшасында жарияланды.
"5 қаңтарда сағат 18:00 шамасында ескі вокзал ғимаратында 3-4 жасар баланы тастап кеткен әйелді іздейміз", - делінген жазбада.
Көліктегі полиция департаменті баспасөз қызметі өкілі NUR.KZ тілшісіне сотқа дейінгі тергеу амалдары басталғанын мәлімдеді.
"Бала медициналық мекемеге орналастырылды. Полицейлер оның анасын әлі іздеп жатыр", - деп хабарлады ведомство өкілдері.
Еске салайық, Алматыда 6 желтоқсанда 20 жастағы ана сәбиімен ата-анасының үйінен шығып кетіп, оралмаған. Ол келесі күні Ақтау әуежайынан табылған болатын.
Екібастұзда түнде жоғалып кеткен 15 жастағы жасөспірім сағат 13:00 шамасында дрон көмегімен саяжай қоғамдастығы ауданынын табылған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2209503-balasyn-vokzalga-tastap-ketken-astanada-aiel-adam-izdestirilip-zhatyr/