"Бірде-бір қылмыс тіркелмеген": Қазақстанда ерекше ауыл туралы не білеміз (видео)

Жетісу облысы Көксу ауданы Жетіжал ауылында мыңнан астам адам тұрады. Елдімекенде осы уақытқа дейін бірде-бір қылмыс тіркелмеген. Бұл туралы Polisia.kz хабарлайды.

Басылым мәліметіне сүйенсек, жергілікті тұрғындар өмір салтымен мақтанады. Ауылда жайлы өмір сүру үшін қажеттінің бәрі бар: мектеп, мәдениет үйі, мешіттер және төрт дүкен.

Алайда Жетіжалды басқа елдімекендерден ерекшелендіретін бір қасиет бар: бұл ауылдағы дүкендерде алкогольді ішімдіктер мүлдем сатылмайды. Сонымен қатар ауылда бірде-бір қылмыс тіркелмеген.

Жетіжал ауылын денсаулық, қауіпсіздік және рухани дамуды бірінші орынға қоятын басқа елдімекендерге үлгі ретінде қарастыруға болады.