Қытаймен шекарадағы автомобиль өткізу пункттері бірнеше күнге жабылады

Қытаймен шекарадағы автомобиль өткізу пункттері бірнеше күнге жабылады. Қытайдағы Көктем мерекесін тойлауға байланысты қаңтардың 27-сінен 1 ақпанға дейін автомобиль өткізу пункттері жұмыс істемейді, деп хабарлайды KAZ.NUR.KZ Мемлекеттік кірістер комитетінің баспасөз қызметіне сілтеме жасап.

Мемлекеттік кірістер комитетінің Telegram-дағы ресми арнасының хабарлауынша, Қытаймен шекарадағы автомобиль өткізу пункттері 2025 жылдың 27 қаңтарынан 1 ақпанына дейін жұмыс істемейді.

"ҚХР-да Көктем Мерекесіне байланысты 2025 жылғы 27 қаңтар сағат 20:00-ден, 2025 жылғы 1 ақпан сағат 08:00-ге дейін, Қазақстан-Қытай шекарасындағы автомобиль өткізу пунктерінде тұлғалардың, көлік құралдары мен жүктерді өткізу жүзеге асырылмайды", - делінген хабарламада.

Алайда Қазақстан-Қытай шекарасындағы теміржол өткізу пункттері штаттық режимде жұмысын жалғастырады.

Ведомство өкілдері тасымалдаушылардан және барлық шекараны кесіп өтуге ниет білдірушіден енгізілген шектеулерді ескере отырып, өз бағыттарын алдын ала жоспарлауды сұрайды.