ҚазҰУ-дың жас ғалымы Оксфорд университетінен шақырту алды
Жарияланған күні:

Әл-Фараби атындағы ҚазҰУ-дың шығыстану факультеті қытайтану кафедрасының жас ғалымы Арыстанбек Ақылбай Оксфорд университетінен шақырту алды. Бұл туралы KAZ.NUR.KZ Ғылым және жоғары білім министрлігіне сілтеме жасап хабарлайды.
"Жас ғалым 2025 жылғы қаңтардан бастап Ұлыбританиядағы Оксфорд жаһандық және аймақтық зерттеулер мектебінде "Аймақтану" мамандығы бойынша оқитын болады.
Оқуды аяқтағаннан кейін Арыстанбек Оксфорд университетінің қауымдастырылған түлегі мәртебесін алады", - делінген министрлік таратқан хабарламада.
Бұған дейін Арыстанбек Ақылбай Гарвардқа (АҚШ) шақырту алып, шақырылған ғылыми қызметкер ретінде келісімшарт бойынша жұмыс істеген.
Айта кетейік, робототехникадан әлем чемпионы, Назарбаев зияткерлік мектебінің 17 жастағы оқушысы Иманәлі Көксал да Пенсильвания университетінде тегін оқуға мүмкіндік алған еді.
Дарынды бала есту қабілеті нашар адамдарға арналған ақылды сағат жасап шығарған.
Мақаланың түпнұсқасы: https://kaz.nur.kz/society/2214389-qazuu-dyng-zhas-galymy-oksford-universitetinen-shaqyrtu-aldy/