Президент тапсырмасын орындауда Алматы облысы алда келеді

Мемлекет басшысы Қасым-Жомарт Тоқаевтың бастамасымен жүзеге асырылып жатқан "Таза Қазақстан" экологиялық бағдарламасы аясында Райымбек ауданында маңызда шара өтті, деп хабарлайды alataunews.kz.

Оны Алматы облысы табиғи ресурстар және табиғатты пайдалануды реттеу басқармасы мен Нарынқол орман шаруашылығы мекемесі ұйымдастырды. Ал жергілікті әкімдік шараның дұрыс өтуіне өз тарапынан барынша ықпал етті.

Шараның мақсаты — жастарға табиғатты қорғау мен орман шаруашылығының маңыздылығын түсіндіру, экологиялық жауапкершілікті арттыру. Оқушыларға сабақта үйренгендерін тәжірибе жүзінде іске асыруға мүмкіндік беру. Бұл олардың экологиялық білімін жетілдіруге әсерін тигізеді.

Шараға 6 мектептен 150-ден аса оқушы қатысты.  Бағдарлама аясында ашық сабақтар өткізіліп, оқушылар 1 кг Шренк шыршасы мен 1,5 кг қайың тұқымын  1000-ға жуық арнайы ыдыстарға отырғызды.

Жиын соңы мектеп оқушыларының арнайы дайындаған концерттік бағдарламасымен аяқталды.