Алматыны қалың қар басты: қалада 10 балдық кептеліс пайда болды
Опубликовано:
"Қазгидромет" мәліметінше, бүгін қар кешкі 20:00-ге дейін 5-6 мм-ге дейін жетуі мүмкін. Қар 31 қаңтар күні тағы жауып, тағы 3 мм қосымша жауын-шашын түсуі ықтимал. Бұл ретте қалада көліктер кептелісте тұр, деп хабарлайды KAZ.NUR.KZ.
Синоптиктердің болжамынша, 30 қаңтар күні ауа температурасы шамамен 0°С болады. 31 қаңтарға қараған түні температура -6…-8°С-қа дейін төмендеп, күндіз -2…-4°С аралығында сақталады.
Kazinform агенттігінің мәліметінше, Алматы қаласының Коммуналдық инфрақұрылымды дамыту басқармасы қала тұрғындары мен қонақтарын жолда мұқият болуға, жол қозғалысы ережелерін сақтауға және жол жүру кезінде ауа райын ескеруге шақырады.
2GIS қолданбасында көрсетілген ақпаратқа сай, 18:45-тегі жағдай 10 балл деп бағаланған. Әсіресе қаланың орталық көшелерінде көліктер кептелісте тұр.
Одан бөлек көшелердегі көліктер қозғалысы жол-көлік оқиғаларының салдарынан да қиындауы мүмкін.
Еске салсақ, синоптиктер Қазақстанның ірі қалаларының бірінде бүгін қар жауатынын мәлімдеген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2216709-almatyny-qalyng-qar-basty-qalada-10-baldyq-keptelis-paida-boldy/