Желіде шәкіртақы кешіктіріліп жатқаны туралы ақпарат тарады: министр пікір білдірді

Ғылым және жоғары білім министрі Саясат Нұрбек желіде тараған "студенттердің стипендиясы кешіктіріледі" деген ақпаратқа қатысты жазба қалдырды. Онда министр қазақстандық студенттерге бұл ақпараттың шындыққа жанаспайтынын жеткізген, деп хабарлайды KAZ.NUR.KZ.

Министр өзінің Telegram-дағы арнасында Қазақстан студенттеріне маңызды хабарлама жазды.

"Құрметті студенттер!

Қаңтар айына арналған мемлекеттік шәкіртақы төлемдері бүгін, 30 қаңтар күні төлене бастады. Бүгінгі күні Оператор 77 ЖОО студенттеріне төлемдер жасады. Мемлекеттік шәкіртақының қалған төлемдері ертең, 31 қаңтар күні жасалып бітеді.

Желіде шәкіртақы төлемдері кешіктіріліп жатқаны, нақтырақ айтқанда төлемдер 3 ақпаннан бастап жасалады деген ақпарат тарап жатыр. Бұл ақпарат шындыққа жанаспайды. Тек қана ресми дереккөздерге сенуді сұраймыз.

"Құрметпен, "Қаржы орталығы" АҚ", - делінген хабарламада.

Мәтіннен қате тапсаңыз, бізге жазыңыз