Қатты аяз, көктайғақ, тұман: ақпан айында Қазақстан өңірлерінде күн райы қандай болады

Синоптиктер ел өңірлерінде ақпан айында қандай ауа райы болатынын болжады. "Қазгидромет" бір айға арналған болжамды жариялады, деп хабарлайды KAZ.NUR.KZ.

Ақпан айының басында солтүстік-батыс циклонының әсерінен жауын-шашынды бұлтты ауа райы сақталады. Елдің бірқатар өңірінде қар, жылбысқы қар, жаңбыр жауып, елдің солтүстік бөлігінде бұрқасын болуы мүмкін. Республиканың көп аумағында екпінді жел, тұман және көктайғақ болуы ықтимал. Еліміздің басым бөлігінде ақпанның алғашқы күндерінде ауа температурасының көтеріледі. Оның ішінде елдің батысы мен оңтүстігінде күндіз +10°С дейін жылы болса, солтүстігінде түнде -2-7°С дейін, күндіз +1°С дейін жылынады.

Елдің шығысы мен орталығында температураның негізгі фоны түнде -12-20°С, күндіз 0,-8°С-қа дейін жылынады.

Бірінші онкүндіктің екінші жартысында Салехард аудандарынан суық антициклонның әсерінен Қазақстанда ауа температурасының төмендеуі мүмкін:

- елдің солтүстігінде түнде -28-35°С дейін, күндіз -20-25°С дейін;

- оңтүстігінде түнде -13-20°С дейін, күндіз -5-12°С дейін, таулы аймақтарда және оңтүстік аймақтардың солтүстігінде түнде -30°С дейін, күндіз -20°С дейін.

Ақпанның екінші және үшінші онкүндіктерінде консультативтік болжамға сәйкес, аязды күндер жылы күндерге алмасады, қар, тұман және көктайғақ күтіледі. Республиканың оңтүстік және оңтүстік-шығыстың таулы аймақтарында қатты жауын-шашын (жаңбыр, қар) жаууы мүмкін.

Суық антициклонның әсерінен ауа температурасы төмендейді. Мәселен, солтүстікте және орталықта түнде -25-35°С дейін, күндіз -15-25°С дейін аяз болады. Республиканың оңтүстігінде және оңтүстік-батысында күн түнде -12-22°С дейін, күндіз -3-15°С дейін суиды.

Ал циклондық белсенділік кезеңінде солтүстікте күндіз -5+3°С дейін, елдің оңтүстігі мен оңтүстік-батысында күндіз ауа температурасы +5+15°С дейін жоғарылайды.

Мәтіннен қате тапсаңыз, бізге жазыңыз