Республикалық маңызы бар барлық жол қашан 100 пайыз интернетпен қамтамасыз етіледі
Опубликовано:
Республикалық маңызы бар барлық жолды 2027 жылға қарай 100 пайыз интернетпен қамтамасыз ету жоспарланып отыр. Бұл туралы үкімет отырысында цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді, деп хабарлайды KAZ.NUR.KZ.
Жаслан Мәдиевтің айтуынша, 2024 жылы дыбыс деңгейін өлшеу және интернетсіз учаскелерді анықтау арқылы автожолдарды зерттеу және егжей-тегжейлі талдау аяқталған.
Олардың нәтижесі бойынша антенна-діңгек құрылыстарын қосымша орнату қажет 243 нүкте анықталған. 104 станса құрлысы бойынша сараптаманың оң қорытындысы алынған.
Айта кетейік, бүгінгі үкімет отырысында биыл Қазақстанда қосымша 4 мың шақырым ақылы учаскені іске қосу жоспарланып отырғаны белгілі болды.
Көлік министрі Марат Қарабаевтың айтуынша, бұл кірісті 60 млрд теңгеге дейін ұлғайтуға мүмкіндік береді. Келесі жылы бұл көрсеткіш 100 млрд теңгеге дейін өсуі мүмкін.
2024 жылы түсім сомасы 48 млрд теңгеге жеткен.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2217785-respublikalyq-mangyzy-bar-barlyq-zhol-qashan-100-paiyz-internetpen-qamtamasyz-etiledi/